رجلك ناعمه زى الحرير والمكونات من مطبخك
تنعيم الكعب

رجلك ناعمه زى الحرير والمكونات من مطبخك

الشتا والتغيرات الجويه بيأثروا على جمالك وعلى نعومه بشرتك بصوره كبيره وجبنالك النهارده حل نهائى وبسيط ومن النهارده رجلك ناعمه زى الحرير

1-  ماسك الليمون والجلسرين:

تحفه لنعومه البشره

المكونات:
هتجيبى 1 ملعقة كبيرة من الملح
و 1/2 كوب عصير الليمون
و 2 ملعقة كبيرة من الجليسيرين
و 2 ملعقة صغيرة ماء الورد
و مايه دافيه

هنجيب طبق حجمه مناسب وتحطى فيه رجلك وضيفى المايه الدافيه والملح الخام ، و 8-10 قطرات من عصير الليمون ، وملعقة كبيرة جلسرين، وملعقة صغيرة من مياه الورد، وانقعى رجلك من 15-20 دقيقة فى المايه.

وبعد كده افركى التشققات والجلد الميت باستخدام حجر القدم، و اخلطى الكمية الباقية من المكونات اللى هى ملعقة صغيرة من الجليسيرين، ملعقة صغيرة من ماء الورد، وملعقة صغيرة من عصير الليمون كويس وحطى الخليط على الكعب .

وممكن تلبسى زوج شراب وسيبى الخليط على الكعب طول الليل، والصبح اغسليه بالمايه الفاتره ، وكرريه من مرتين ل 3 مرات فى الأسبوع لحد ما يبقى كعبك ناعم، بس خدى بالك أن الليمون بيسبب تهيج بعض أنواع البشرة (جربيه على جزء صغير من الجسم )

الليمون

2- ماسك الفازلين والليمون

المكونات
1 ملعقة صغيرة الفازلين
و 4 إلى 5 قطرات عصير الليمون
و مايه دافيه

هتنقعى رجلك فى المايه الدافيه من 15-20 دقيقة و نشفيها ، وبعد كده حطى ملعقة صغيرة من الفازلين وعليها قطرات عصير الليمون وافركى بيهم الكعب والتشققات، لحد يمتصه الجلد جيدا ، والبسى شراب هيزود من فاعلية المكونات.